متزعلش مني حبيبي

ماتزعلش مني ياحبيي

طب علشان خاطري ماتاخد على خاطرك مني
دانتا نور عينى
خلاص بقى ماتزعلش

*******
تعالى نقعد فى الفراندا.. دا الهوا الليلة يرد الروح ياحبة عيني
ايه يعني لما أفضفض بكلمتين واقفين فى زوري.. مش لازم أقولك اللى مزعلنى عشان أصفى
هو انا ليا مين غيرك يعني؟
طب دانا عاملالك الرز بلبن اللي بتحبه ...
طب تعدمنى لتاكل الطبق ده.. دانا عاملاهولك بايدي.. يا سيدي

*******
دانا كنت عايزاك تاخد بالك بس انى تعبانة مالشغل و العيال.. و شغل البيت.. مانا برضك بحس
كنت عايزاك تعذرني لو ليلة دخلت من برة ومالقتنيش متوضّبالك زي مابتحب
كنت عايزاك تطبطب عليا لو لقيتني رابطة راسي من الصداع
كل اللي أنا كنت عايزاه شوية حنيّة.. حنية ياراجل من بتوع زمان .. فاكرها ياحبيب قلبي؟

*******
هوّ أنا ليا بركة الا انت؟ هيّ الضحكة بتطلع من قلبي الا معاك؟
طب علشان خاطري لتضحك بقى.. يووه مستخسرها فيّا؟
أهو بتضحك.. و ربنا بتضحك.. ماتكتمهاش .. افرجها بقى عشان ربنا يفرجها
طب قوم البس جلابيتك.. دانا غاسلاهالك وكاوياها بنفسي و معطراهالك
قوم يا خويا.. يابويا.. ياسندي.. ياحبة قلبي من جوة
يالاّ كل الرز بلبن بقى عشان أجيبلك الشاى أبو نعناع المعتبر

*******
على فكرة انا دمي خفيف والله.. أخف من دم صحابك بتوع القهوة.. انكشني بس واتفرج
اديني انت الأمان كده وأنا أعيّشك في جنة.. وأخليلك بيتك ده بيرقص مالفرحة
لأ مش بيتك.. أخليلك دنيتك كلها ترقص
يالا تعالى.. ورحرح.. مش بقولك الهوا يرد الروح
متزعلش مني حبيبي I.p.emlove

*******
دانا مش عايزة غير ريق حلو.. كلمة حنيّنة.. ايدك على كتفي كفاية عليا
قوللي سلامتِك.. تسلم ايدِك.. متحرمش منِّك.. بس قولها من قلبك
.. ياحبيبي

احلى كلأم ممكن تقوله ام العيال لجوزنها

» حبيبي
» اسفه حبيبي
» مهما يكن فانت حبيبي