هس…هدوء

موضوع: هس…هدوء الخميس ديسمبر 13, 2007 2:16 am

]center]هس…هدوء
سامع لحن الدمع هناك
جاي من وسط جدار مشقوق
شايف حتى النور جواك
نفسك يجي اليوم وتروق
والهم المكتوم خلاك
بتعبي الاحزان ف عروق
والدم الناشع وراك
يمكن يجي اليوم وتروق
هس ..هدوء
سامع لحن الدمع هناك
ايوه ..هناك…جاي يقول
عتمة وشك..اوعى تغشك
وخطوط ايدك ايوة طويلة
وملوك الاحزان بتكشك
ولايمكن هتعدي بليله
ولا هتبطل وشك
زنك ع الدنيا خلاها
معانده معاك..ومش وياك
حتى قلم الشعر عليل
وحبل اساك ايوة طويل
وسكوتك لو عدى بليل
يمكن يسأل ايه اساك
يمكن قمر الليل بيعدي
وتنسى تقوله حتى سلام
يزعل منك..يهرب منك
مش هتلاقي اي كلام
ويطول يوم الاحزان
وسكوت الليل يقلب سوق
هس ..هدوء

[/center]